Жаңалықтарға жазылу  Редакторға хат жазу
Көп оқылған
Нұр-Мүбарак университеті Түркияның Карабюк университетімен меморандумға қол қойды
15:03, 03 июля 2021

Нұр-Мүбарак университеті Түркияның Карабюк университетімен меморандумға қол қойды


Нұр-Мүбарак университеті халықаралық деңгейдегі әріптестік аясын кеңейтуде. 52 мың студенті бар, оның ішінде 92 мемлекеттен шетелдіктер де білім алатын Түркияның Карабюк университетінің басшылығы Нұр-Мүбарак университетімен ынтымақтастық орнату мақсатында қазақ жеріне арнайы ат басын тіреді.

Проректор, доцент Қайрат Құрманбаев құрметті қонақтарды арнайы қабылдап, университет жайлы жан-жақты ақпарат берді. Карабюк университетінің ректоры, профессор Рефик Полат, проректоры профессор Муджахит Көшкін, Халықаралық байланыстар жөніндегі үйлестіруші Ойа Өналан университетпен танысып қана қоймай, болашақтағы әріптестік жөнінде де жан-жақты талқылады. Арнайы қабылдаудан кейін қос тарап ресми түрде екіжақты меморандумға қол қойды.

Карабюк университеті Түркияның Карабюк қаласында орналасқан. Академиялық құрылымы 14 факультет, 4 аспирантура, 4 мектеп, 7 кәсіби училищеден тұрады. Факультеттері – әдеби, жаратылыстану ғылымдары, дизайн және бейнелеу өнері, экономикалық және әкімшілік ғылымдар, теология, менеджмент, инженерлік, техникалық, технологиялық, медициналық сала бойынша. Мектептері – темір мен болаттың жоғары мектебі, табиғи және қолданбалы ғылымдар жоғары мектебі, әлеуметтік ғылымдар жоғары мектебі, медициналық ғылымдар жоғары мектебі. Сондай-ақ денсаулық мектебі, Хасан Доган атындағы дене шынықтыру және спорт мектебі, шет тілдері мектебі, т.б.

Күн сайын аясын кеңейтіп келе жатқан Нұр-Мүбарак университеті шетелдік әріптес оқу орындар қатарында болашақта Карабюк университетінде де  студенттер мен магистрант, докторанттардың тағылымдамалары және семестрлік білім алу мүмкіндіктерін қарастырмақ.


Добавить комментарий

Ваш адрес email не будет опубликован. Обязательные поля помечены *

© 2021 Al-Azim.Kz
Сайт материалын көшіріп басу үшін міндетті түрде сілтеме қою керек.